የሸካ ህዝቦች ልማት ማህበር የጀመረው የሰንበት ገቢያ በበዓል ወቅት ከሚፈጠረው የዋጋ ንረት ታድጎናል ሲሉ የሸካ ዞን ማሻ ከተማ ነዋሪዎች ተናገሩ።

‎
‎ልማት ማህበሩ የፋሲካ በዓል ምክንያት በማድረግ በሰንበት ገበያ የተለያዩ ምርቶችን በተመጣጣኝ ዋጋ ለነዋሪዎች አቅርበዋል ።
‎
‎ገቢያን ከማረጋጋት አንጻር የሰንበት ገበያ ያለው ሚና ከፍተኛ መሆኑን የተናገሩት ሸማቾች ልማት ማህበሩ ለበዓል የሚሆን ምርት በማቅረቡ ደስተኛ መሆናቸውን ገልጸዋል ።
‎
‎ማህበሩ እያቀረበ የሚገኘውን የምርት ዋጋ ያነጻጸሩት ሸማቹቾች ቀይ ሽንኩርት ገቢያ ላይ ከ1መቶ 50 እስከ 1መቶ 60ሲሆን በልማት ማህበሩ የሰንበት ገቢያ 1መቶ 10፤ ዘይት ፈሳሽ ባለ 5 ሊትር በሱቅ 2ሺህ 5መቶና ከዚያ በላይ ስሸጥ በልማት ማህበሩ 2ሺህ 2መቶ ብር እየሸመቱ መሆኑን ተናግረዋል።
‎
‎ልማት ማህበሩ የጀመረውን በጎ ተግባር በሌሎችም ምርቶች ላይ አሰፍተው እንድቀጥል የገለጹት ሸማቾቹ ህብረተሰብ ከልማት ማህበሩ ጎን በቁርጠኝነት በመቆም የልማት ስራዎችን እንደሚያፋጥኑ ጠቁመዋል።
‎
‎የሸካ ልማት ማህበር የፋስካ በዓል ምክንያት በማድረግ ለሸማቹ ህብረተሰብ ካቀረበው ምርቶች መካከል ቀይ ሽንኩርት፣ ዘይትና ዱቤ ዱቄት ይገኙበታል።
‎